Бо иштироки Пешвои миллат дар ҷашни Рӯзи Модар чун анъанаи накӯи наврӯзӣ бо занону бонувони фаъоли кишвар мулоқоти судманду самимӣ доир гардид , ки ойилавӣ бо завқи том тамошо кардем ва пас аз суханрониашон консерти идона бахшида ба "Рӯзи Модар" таҳти унвони "Мо булбулакони боғи дониш" аз ҷониби ҳунармандони наврас пешниҳод гардид. Миёни ин наврасон Сабрина ном духтарак шеъри каминаро бо садои ҷаззобаш сароид , ин барои ман як шодии ғайри интизор буд. Шахсан дар барам , ки Модари бузургам буданд аз ман бештар шодӣ карданд. Шояд касе аз иштирокчиёни мулоқот надонанд , ки ин шеъри содаро банда иншо кардаам , аммо шодам , ки дар он ҷамъомади бузург , ки модарону бонувон ширкат доштанд ин сурудро шуниданд ва мехоҳам дар Рӯзи Модар чун туҳфае пазиранд .